Auðkúlukirkja

Auðkúlukirkja

Byggingarár 1894

Auðkúla stendur norðan í Svínadalshálsi sem teygist út frá Auðkúluheiði. Á Auðkúlu hefur verið kirkja frá fyrstu tíð kristni á Íslandi og var hún helguð Jóhannesi skírara í kaþólskum sið. Kirkjan er lítið áttstrent hús úr timbri og stendur á steinsteyptum grunni, gerðum 1971, en stóð áður á hlöðnum grunni. Altaristafla er eftir Andreas Taastrup frá 1875, hún sýnir Krist upprisinn birtast Maríu Magdalenu við gröfina. Aðrir dýrmætir forngripir eru í kirkjunni.