Í grunnskólalögum er kveðið á um samskipti heimila og skóla. Þar er lögð áhersla á mikilvægi góðrar samvinnu hvað varðar kennslu og uppeldi nemenda. Ennfremur er í lögum um grunnskóla fjallað um upplýsingaskyldu skólanna.
Húnavallaskóli vill að foreldrar og forráðamenn séu á hverjum tíma sem best upplýstir um skólastarfið. Þannig er líklegra að samkennd verði meðal foreldra og starfsmanna um hag nemenda og skólans.
Með upplýsingum, fréttum og tilkynningum á veraldarvefnum verður enn frekara upplýsingaflæði frá skólanum út til samfélagsins sem hann þjónar.
Við sem störfum við Húnavallaskóla höfum orðið þess vör
að foreldrar eru jákvæðir í garð skólans, hafa góðan skilning á
skólastarfinu og með öflugu samstarfi heimilanna og skólans mun ímynd
Húnavallaskóla út á við styrkjast.
Þorkell Ingimarsson, skólastjóri
