Húnavallaskóli

Kjördæmismót í skólaskák var haldið í Grunnskólanum á Blönduósi laugardaginn 1. maí. 

Því miður voru aðeins keppendur frá tveimur skólum en það voru Grunnskólinn á Blönduósi sem sendi keppendur í yngri flokk og Húnavallaskóli sem sendi keppendur í bæði yngri og eldri flokk.  Sigurvegari í eldri flokki var Stefán Logi Grímsson, 10. bekk í Húnavallaskóla og sigurvegari í yngri flokki var Hilmar Logi Óskarsson, 5. bekk í Húnavallaskóla.  Með sigri áunnu drengirnir sér rétt til þátttöku á landsmóti í skólaskák sem verður haldið í Reykjavík dagana 6. til 9. maí.  Við óskum drengjunum til hamingju með árangurinn og vonum að hann hvetji þá til frekari dáða í framtíðinni.