Flýtilyklar
10.fundur hreppsnefndar
Mánudaginn 15. maí 2006 kom hreppsnefnd Húnavatnshrepps saman til fundar að Húnavöllum, kl. 13.00. Björn Magnússon setti fundinn og stjórnaði honum. Þorleifur Ingvarsson og Jóhanna E. Pálmadóttir rituðu fundargerð. Brynjólfur Friðriksson hafði boðað forföll og Birgitta H Halldórsdóttir sat fundinn í hans stað. Mæting á fundinn að öðru leiti samkvæmt undirskriftum.
- Kjörskrárstofn vegna sveitarstjórnarkosninga.
- Ársreikningar Bólstaðarhlíðar-, Sveinsstaða-, Svínavatns-, og Torfalækjarhrepps 2005, fyrri umræða.
- Heitavatnsleit á Reykjum.
- Erindi frá umhverfisstofnun, vegna vega og vegslóða innan sveitarfélagsins.
- Jafnréttisáætlun Húnavatnshrepps, síðari umræða.
- Erindi frá félagsmála- og fræðslunefnd Húnavatnshrepps.
- Heimasíða.
- Bréf Guðmundar R Halldórssonar og Ragnheiðar Ólafsdóttur Finnstungu.
- Bréf Þorleifs Ingvarssonar.
- Styrkbeiðni frá unglingadeild Björgunarfélagsins Blöndu.
- Styrkbeiðni frá Samkórnum Björk.
- Fundargerðir
- Byggingar- og umhverfisnefndar Húnavatnshrepps frá 23. 04.
- Önnur mál
Samþykkt var að fela starfsmönnum á skrifstofu hreppsins að yfirfara kjörskrárstofninn og oddvita var falið að undirrita hann og leggja fram sem kjörskrá við sveitarstjórnarkosningar 27. maí nk.
Skipting milli kjördeilda í Húnaveri og Húnavöllum verður um Blöndu að öðru leiti en því að Blöndudalur að vestan tilheyrir kjördeild í Húnaveri.
Björn kynnti niðurstöður frá fundi sem hann og Ólöf Birna áttu við Hauk Ásgeirsson hjá Rarik. Þorleifi og Birni var falið að gera uppkast að bréfi og senda út til hreppsnefndarmanna til yfirlestrar. Óskað verði eftir formlegum viðræðum við stjórn Rarik um að tryggja íbúum Húnavatnshrepps ákveðið magn af vatni sem kemur upp við þessa framkvæmd.
Tekið var fyrir erindi frá Umhverfisstofnun varðandi vegi og vegslóða í sveitarfélaginu. Ákveðið var að hafa samband við Umhverfisstofun og í samráði við heimamenn verði farið yfir málið. Þorleifi og Birni verði falið að fylgja málinu eftir. Samþykkt samhljóða.
Félagsmála- og fræðslunefnd gerði könnun meðal íbúa sveitarfélagsins 60 ára og eldri, varðandi áhuga viðkomandi á ýmiskonar félagsstarfi.
Félagsmála- og fræðslunefnd hefur einnig gert könnun meðal foreldra barna 0-5 ára varðandi leikskólamál. Niðurstaða úr þessum tveimur könnunum voru lagðar fram fyrir fundinn og kynntar.
Fyrir fundinum lá tölvubréf frá Guðmundi R Halldórssyni og Ragnheiði Ólafsdóttur varðandi ristahlið á nýja heimreið að bænum. Samþykkt var að veita 100.000.- styrk til ristarhliðs á Finnstunguafleggjara á móti kemur að farið verði að kröfum Vegagerðarinnar um uppsetningu og frágangs ristarhliðsins.
Fyrir fundinum lá bréf frá Þorleifi Ingvarssyni varðandi bókun E-lista frá síðasta fundi hreppsnefndar. Í bréfinu kom fram að Þorleifur taldi að sér væri vegið með bókun á síðasta fundi hreppsnefndar. Vildi hann koma því á framfæri að á honum hefði verið brotið með því að koma með undirbúna bókun heiman frá án þess að könnuð hefði verið sannleiksgildi ásakananna. Sem reyndust ekki réttar.
Fyrir fundinum lá styrkbeiðni frá unglingadeild Björgunarfélagsins Blöndu. Unglingum í 8.-10 bekk er boðið upp á taka þátt í unglingastarfi Björgunarfélagsins Blöndu. Ákveðið var að styrkja unglingastarfið um 25.000.- Samþykkt samhljóða.
Fyrir fundinum lá beiðni frá Samkórnum Björk um fjárstyrk og var samþykkt samhljóða að styrkja kórinn um 100.000.- vegna starfssemi kórsins.
a. Fyrir lá nýkomið bréf frá Kristjáni Birgissyni. Oddviti hafði í upphafi fundar lagt það fram og fundurinn samþykkti að taka það undir önnur mál. Í bréfi þessu kom fram ósk um vínveitingaleyfi í Áfanga. Ákveðið var að veita vínveitingaleyfi fyrir árið 2006.
c. Tryggvi og Birgir gerðu grein fyrir þeim upplýsingum sem þeir öfluðu í samtölum sínum við veiðimenn sem sinnt hafa tófu- og minkaveiðum á svæðinu. Þeir mun vinna áfram í málinu og samræma upplýsingarnar.
