Bólstaðarhlíðarkirkja - saga.
Bólsstaðarhlíð er gamalt höfuðból, höfðingjasetur og kirkjustaður. Sumir telja að Svartárdalsmynnið, sem Bólstaðarhlíð stendur í, sé Ævarsskarð hið forna. Ævarsskarð er þá ysia hluti Svartárdals, þar sem hann sveigir til vesturs og opnast á mörkum Blöndudals og Langadals. Norðurlandsvegur liggur hjá Bólstaðarhlíð upp á Vatnsskarð og heitir þar Bólstaðarhlíðarbrekka (Botnastaðabrekka) í daglegu máli. Veðursæld er mikil í Bólstaðarhlíð og festir lítt snjó í fjallinu.
Í Landnámabók segir að Ævar Ketilsson, sem nam Langadal, hafi bíð í Ævarsskarði. Þar eru fornar tóttir.
Í Bólsstaðarhlíð var fyrrum útkirkja frá Bergsstöðum. Þar var kirkja helguð Mikael erkiengli í kaþólskum sið. Bólstaðarhlíðarprestakall var stofnað árið 1970. Til þess heyra kirkjur í Bólstaðarhlíð, á Bergsstöðum, Auðkúlu, Svínavatni og Holtastöðum.
Núverandi kirkja í Bólstaðarhlíð var vígð 1889.
Sama ættin sat í 300 ár í Bólstaðarhlíð, á árunum 1528-1825. Hét ættfaðirinn Þórarinn Steinþórsson en síðastur þeirra ættmanna þar var séra Björn Jónsson (1749-1825). Séra Björn átti 9 dætur og er geysistór ættbálkur út af honum kominn, Bólstaðrahlíðarætt hin síðari. Meðal niðja hans eru Sveinn Björnsson, forseti Íslands, og hin fjölmenna Blöndalsætt. Niðjatal séra Björns hefur verið gefið út (1913)
(Landið þitt Ísland, Þorsteinn Jósepsson Steindór Steindórsson, 1980) og (Íslenska vegahandbókin 1998).
