Húnavatnshreppur

Gámasvæði. 

Búið er að setja gáma undir timburúrgang á gámasvæðin við Aralæk, Dalsmynni og Húnaver.  Gert er ráð fyrir að timburgámarnir verði á gámasvæðunum í tvo mánuði, eða til loka júlí. 

Borið hefur á því að verið er að setja timbur í járnagámana.  Óheimilt er að setja timbur í þá gáma. Þegar timburgámar eru ekki á gámasvæðunum er hægt að losa timburúrgang í gám á efnistökusvæðinu við Steinholt.

Sveitarsjóri.

Fjallskilanefnd Grímstungu- og Haukagilsheiða fór í gróðurskoðunarferð 16. júní. Ákveðið var að leyfa upprekstur sauðfjár í Víðidalsfjall 19. júní og á Grímstungu- og Haukagilsheiði 22. júní. 

Ákveðið var að leyfa upprekstur hrossa 20. júlí með sama sniði og verið hefur. Þeir sem ætla að reka hross á afrétt skulu tilkynna fjölda þeirra til formanns fyrir 5. júlí. 

Verði eftirspurn uppreksturs hrossa mjög mikil getur þurft að takmarka fjölda þeirra.

F.H. Fjallskilanefndar

Birgir Ingþórsson

Viðhald girðinga meðfram vegum í sveitarfélaginu.

Vegagerðin hefur vísað því til sveitarfélagsins að hlutast til um að viðhaldi girðinga meðfram vegum í sveitarfélaginu verði lokið 30. júní 2013.

Þar sem tilgangur girðinganna er að koma í veg fyrir lausagöngu búfjár meðfram vegum er mjög mikilvægt að viðhaldi sé lokið áður en umferð á vegum nær hámarki vegna sumarleyfa og heimsókna erlendra ferðamanna.

Senda þarf Vegagerðinni lista yfir þá landeigendur sem hafa lokið viðhaldi girðinga fyrir 31. ágúst 2013, svo unnt verði að gera þær úttektir sem Vegagerðin telur þörf á og ganga frá uppgjöri.

Söfnun á rúlluplasti.

Miðvikudaginn 19. júní n.k. fer fram söfnun á rúlluplasti í Húnavatnshreppi.

Þeir aðilar sem ætla að kom rúlluplasti á söfnunaraðila verða að gæta þess að plastið sé tilbúið til flutnings og hæft til endurvinnslu. Plastið verður að vera þokkalega hreint og í því mega ekki vera aðskotahlutir s.s. net eða heyafgangar.

Einnig verður tekið á móti áburðarpokum, taka þarf innri pokana úr og hafa þá sér.

Sú breyting hefur orðið á, vegna óhreininda, að baggabönd og net eru ekki lengur tekin í endurvinnslu.

Þeir sem vilja nýta sér þessa þjónustu vinsamlega tilkynni það til skrifstofu Húnavatnshrepps í síma 452-4660/4661, eða á netfangið hunavatnshreppur@emax.is

Fyrir lokun skrifstofu þriðjudaginn 18. júní n.k.